Fleiri skaðar men størri yvirskot

Úrslitið hjá Trygd var 8,1 mió. kr. eftir skatt í fyrra hálvári.

Tað er meira enn í fjør, tá úrslitið var 4,6 milliónir.

Leiðslan er nøgd við úrslitið í ár, tí útreiðslurnar vóru størri í ár enn tær vóru undanfarin ár.

Skaðaútreiðslurnar vóru 58,8 mió. kr., sum eru 7,5 mió kr. meira enn í fyrra hálvári í fjør.

Anna Holm, Trygd

Anna Holm er stjóri í Trygd.

Tað gerst alsamt dýrari at umvæla skaðar.

- Men vit síggja tó eisini, at prísvøksturin er komin í eina meira vanliga legu aftur, sigur Anna Mohr Holm, stjóri í Trygd. 

Íløguvirksemið hjá Trygd hilnaðist væl í fyrra hálvári í ár.

Avlopið er fýra mió. kr., tíggju ferðir størri enn tað var í fyrra hálvári í fjør.