Býráðslimir kunnu fáa rokning

Ein eykarokning frá J&K á 6,5 mió. kr. fyri langhylin er endað á borðinum hjá Tórshavnar Kommunu. 

Meirkostnaðurin er fyri rentu- og príshækkingar, ið standast av óvanliga prísvøkstrinum, sum hevur verið seinastu árini. 

Rokningina hevur eitt samt býráð valt at rinda, hóast tey ikki hava lov til tað. 

Trupulleikin í hesum førinum er, at tá arbeiðstøkusáttmálin varð undirskrivaður, so var hædd tikin fyri, hvussu prísøkingar skulu greiðast. 

Tí hevur kommunan ikki hevur skyldu at rinda útyvir tað, sum er ásett í avtaluni, sambært Eyðbjørn Larsen, advokatur, sum Tórshavnar Kommuna hevur leitað sær ráðgeving frá.

Tað visur innlit, sum Kringvarpið hevur fingið. 

Málið skal viðgerast í býráðnum eina ferð aftrat, aðrenn tað er endaliga samtykt.

Um samtykt verður at rinda rokningina, kunnu býráðslimirnir ábyrgdast fyri tað.