Svimjisambandið vertur fyri norðurlendskari ráðstevnu

Í døgunum 18. til 20. oktobur verður Svimjisambandið vertur fyri norðurlendskari ráðstevnu um svimjifrálæru.

Stevnan, sum er annaðhvørt ár og skiftir millum norðurlondini, verður í Norðurlandahúsinum og Svimjihøllini í Gundadali.

Ráðstevnan vendir sær til svimjivenjarar og -lærarar í Føroyum og uttanlands, sum vilja dagføra seg um, hvussu best er at læra fólk at svimja.

Síðst, ráðstevnan var í Føroyum, var í 2012, tá ið eini 170 fólk vóru við til tríggjar áhugaverdar dagar í somu hølum sum hesa ferð.

Svimjisambandið ivast tó í, um so nógv fólk fara at koma hesa ferð, eftir at stevnurnar í bæði 2020 og 2022 vóru avlýstar vegna koronu.