Ísrael hækkar tilbúgvingina eftir spreingingar í Libanon

Ísraelski herurin IDF hevur hækkar tilbúgvingarstigið, eftir at hundraðtals kallingartól, sum Hizbollah-limir høvdu uppi á sær, sprongdust í Libanon í gjár.

Ísrael væntar, at Hizbollah fer at svara aftur. Hizbollah leggur Ísrael undir at hava ábyrgdina av, at fleiri hundrað kallingartól sprongdust nærum samstundis. 

Tólv fólk lótu lív, og meira enn 3.000 fingu løstir. 

Ísrael hevur ikki gjørt viðmerkingar um álopið.

Libanon

Tólv fólk lótu lív, og fleiri enn 3.000 vóru særd (Reuters/Ritzau Scanpix)

Luftverjan og hernaðarliga fregnartænastan hava hert tilbúgvingina, stendur í fráboðanini frá útvarpsstøðini hjá herinum. 

Fleiri servandir hermenn skulu eisini flytast til Gasageiran og til libanska markið.

Í nátt hava fleiri fundir verið á høvuðsstøðini hjá ísraelska herinum í Tel Aviv, har støðan var umrødd, sigur útvarpsstøðin.