Frítekst tagging:
- Tíðindi, mentan og ítróttur
Hallið á fíggjarlógini minkar, tí minni verður goldið í Búskapargrunnin
Hallið á fíggjarlógini minkar, tí minni verður goldið í Búskapargrunnin
Hallið í 2025 verður mett til 83 milliónir kr., men alivinnan og sjóvinnan rinda 200 milliónir meira í landskassan næsta ár
Ruth Vang, landsstýriskvinna, hevði tíðindafund fyrrapartin um fíggjarlógaruppskotið fyri 2025
Mynd: Bjarni Árting Rubeksen
30.09.2024 - 13:10
Ruth Vang, landsstýriskvinna í fíggjarmálum, legði fyrrapartin fram fíggjarlógaruppskotið fyri 2025.
Roknað verður við, at hallið á fíggjarlógini verður 83 milliónir kr.
Men samstundis verður lógin um Búskapargrunnin broytt, soleiðis at upphæddirnar í lógini hækka 100 millónir kr., áðrenn alivinnan og sjóvinnan rinda í grunnin.
Á tann hátt koma 200 milliónir kr. meira í landskassan í 2025.
Samlaðu inntøkurnar í 2025 verða sjey milliardir og 436 milliónir krónur, og útreiðslurnar til rakstur, løgur og lán vera sjey milliardir og 519 milliónir krónur.
Hallið verður sostatt 83 milliónir krónur.
Tórbjørn Jacobsen, borgarstjóri, las gjølla í fíggjarlógini, tá hon var løgd fram fyrrapartin. (Mynd: Bjarni Árting Rubeksen)
Størri hall í ár
Hallið í ár verður væl størri enn mett. Fíggjarmálaráðið roknar við, at landskassin fer at hava umleið 200 milliónir krónur í 2024.
Ein av stóru íløgunum í 2025 er Suðuroyartunnilin. 100 milliónir eru settar av. Eisini í 2026 og 2027 verða 100 milliónir settar av um árið.
Uppskotið um fíggjarlóg kemur til fyrstu viðgerð í tinginum mikudagin. Síðani fer tað í fíggjarnevndina.
Hoyr samrøðu, sum Svein Tróndarson gjørdi við Ruth Vang í útvarpstíðindunum:
0 seconds of 0 secondsVolume 90%
Press shift question mark to access a list of keyboard shortcuts
Keyboard Shortcuts
Shortcuts Open/Close/ or ?
Play/PauseSPACE
Increase Volume↑
Decrease Volume↓
Seek Forward→
Seek Backward←
Captions On/Offc
Fullscreen/Exit Fullscreenf
Mute/Unmutem
Decrease Caption Size-
Increase Caption Size+ or =
Seek %0-9
Frá framløguni av fíggjarlógini í Smæruni fyrrapartin. (Mynd: Bjarni Árting Rubeksen)
Er kopiera
Nýggjastu sendingar í ÚV
Nýggjastu sendingar í SV
