Framvegis ógreitt, um kanningarstjóri verður settur

Tað er framvegis óvist, um kanningarstjóri verður settur at kanna embætisførsluna hjá Ingilín Didriksen Strøm, fyrrverandi landsstýriskvinnu.

Bjørt Samuelsen, løgtingsforkvinna, sigur, at stundir hava ikki verið til at viðgera spurningin enn. 

Fyri eini viku síðani segði Bjørt Samuelsen soleiðis:

Hans Jacob Thomsen, formaður í landsstýrismálanevndini, sigur við Kringvarpið í dag, at nevndin hevur ikki viðgjørt enn, um hon skal taka áheitanina, um at kanna Ingilín D. Strøm, aftur. 

Hans Jacob Thomsen vísir á, at tað kunnu vera bæði fyrimunir og vansar at gera kanningina, og hetta má landsstýrismálanevndin fyrst viðgera, áðrenn støða verður tikin til, um áheitanin verður tikin aftur.