Størri sannlíkindi fyri, at oljuleiting verður í føroyskum øki

Oljuleiðir, sum eru nakrar fáar kilometrar frá føroyska markinum, gera sannlíkindini fyri, at leitað verður í føroyskum øki, størri.

Oljuleiðirnar, sum eru nærmast føroyska markinum, eru Rosebank, sum bara er 11 km. frá føroyska markinum, og Cambo, sum er fimm km. frá markinum.  

Cambo bíðar eftir loyvi frá bretsku myndugleikunum at vera útbygt.

Rosebank verður útbygt til framleiðslu.

Tað hevur fíggjarnevndin fingið at vita frá Uttanríkis- og Vinnumálaráðnum.  

Eisini í føroyskum øki

Tá olja kemur úr Rosebank og Cambo, er møguleiki fyri, at oljufeløgini fara at leita í nærumhvørvinum, eisini í føroyskum øki, eftir meira kolvetni.

Skatturin á kolvetnisvinnuna er nú 78 prosent í Bretlandi.

Ein vansi fyri Føroyar við teimum versnaðu fortreytunum fyri at reka kolvetnisvinnu í bretskum øki er, at vandi er fyri, at leitingin eftir nýggjum oljuleiðum steðgar.

Tað er, at fleiri oljuleiðir ikki koma beint uttan fyri føroyska markið.

Men tað kann vera ein fyrimunur fyri Føroyar, nú oljufeløgini fara at leita eftir møguleikum aðrastaðni fyri at sleppa undan stóra bretska skattinum.