Ráðførslan um Russland heldur fram

Ráðførslan í uttanlandsnevndini um fiskiveiðiavtalu við Russland í 2025 heldur fram fyrrapartin í dag.

Nevndin hevur givið landsstýrismonnunum í fiskivinnu- og samferðslumálum og uttanríkis- og vinnumálum og løgmanni fundarboð kl.10.00.

Øll ráðførslan er í trúnaði, so einki fæst at vita um hana ella um fundin í uttanlandsnevndini í gjár. 

Tað er eingin loyna, at limirnir í uttanlandsnevndini eru rúkandi ósamdir um fiskiveiðisamstarvið við Russland.

Og sum skilst var nevndarfundurin lívligur.