Øll grannalondini fara at bjóða landstreym

ES hevur sett krøv til allar havnir í samveldinum um at veita landstreym seinast í 2030. Men Føroyar eru ikki bundnar av hesum.

Hanus Mikkelsen, stjóri í Tórshavnar Havn, sigur at nýggja skansabryggjan fer at fáa landstreym fyrr ella seinni, men at tað eisini er ein spurningur um pengar, tí íløgan lønar seg ikki.

Jens Meinhard Rasmussen, stjóri á Smyril Line, sigur at reiðaríið leggur seg eftir at vera grønt, men at hetta eisini er neyðugt, um felagið skal kunna virka á teimum leiðum felagið virkar í. Og hann sær ein vanda í, at ferðamannaskip kunnu velja Føroyar frá, tí vit ikki kunnu veita landstreym eins og grannalondini..