Lekur í Sandoyartunlinum

Tað dryppar illa undan loftinum í Sandoyartunlinum.

Tí verður tunnilin nú stongdur fyri ferðslu fimm kvøld um vikuna næstu tríggjar vikurnar.

Tað er minni enn eitt ár síðani Sandoyartunnilin læt upp fyri ferðslu.

Uni Danielsen, tunnilsstjóri, sigur, at tað er komið eitt sindur óvart á, at tað longu nú er neyðugt at gera eitt so umfatandi arbeiði í tunlinum.

Hoyr innslag í útvarpstíðindunum: 

Sandoyartunnilin verður stongdur fyri ferðslu frá kl. 22 til kl. 06 fimm nætur um vikuna næstu tríggjar vikurnar.

Ferðslan fer tó at verða leidd gjøgnum tunnilin kl. 23, 24, 02 og 04.