Gera einki við klaguna frá MEGD

Landsstýrismálanevndin ger einki við klaguna, sum hon fekk frá MEGD. 

MEGD klagaði landsstýrið fyri ikki at senda lógaruppskot til hoyringar, áðrenn tey fara í løgtingið.

Felagið sigur, at landsstýrið í heilum sendir lógaruppskot í løgtingið, sum taka rættindi frá fólki við breki, uttan at hoyra avvarðandi feløg og útgreina avleiðingarnar.

MEGD sigur, at tað er ikki bara hendan samgongan, men eisini undanfarnar samgongur, sum hava skundað mál ígjøgnum uttan hoyring.

Hans Jacob Thomsen, formaður í landsstýrismálanevndini, sigur, at løgfrøðiliga ráðgevingin hjá løgtinginum sigur, at talan er ikki um lógarbrot.

Tað er tí ikki eitt mál hjá landsstýrismálanevndini.