Hægstrættur í Rumenia vrakar úrslitið av forsetavalinum

Hægstrættur í Rumenia vrakar úrslitið av forsetavalinum
Fyrra umfar skal haldast umaftur, tí Russland ávirkaði valið til frama fyri uttanflokkavalevnið, sum fekk flestar atkvøður
Miðhøgra valevnið, Elena Valerica Lasconi, sum fekk næstflestar atkvøður, og uttanflokkavalevnið, Calin Georgescu, sum vann fyrra valumfar.
Mynd: AFP/Ritzau Scanpix  
 
06.12.2024 - 15:04

Hægstirættur í Rumenia hevur vrakað úrslitið av fyrra umfari av forsetavalinum, sum fyri stuttum var í landinum, skrivar Reuters.

Fyrsta valumfar skal haldast umaftur, og stjórnin skal gera av, nær tað verður, sigur grundlógardómstólurin. 

Seinna umfar skuldi eftir ætlan vera nú um vikskiftið.

 

Á forsetavali í Rumenia. Nú skal valið haldast umaftur. (Mynd: AFP/Ritzau Scanpix)

 

Russland ávirkaði

Avgerðin kemur eftir at skjøl, sum fregnartænastan hevur fingið hendur á, vísa, at Russland hevði eina samskipaða ávirkanarherferð fyri at hjálpa russiskvinarliga valevninum, Calin Georgescu.

62 ára gamli Georgescu vann fyrra umfar við 22,9 prosentum av atkvøðunum, og miðhøgra valevnið Elena Valerica Lasconi gjørdist nummar tvey við 19,2 prosentum.

Georgescu, sum er uttanflokkamaður, er bergtikin av russiska forsetanum, Vladimir Putin. Georgescu hevur tvíhildið um, at hann fer at steðga rumensku hernaðarhjálpini til Ukraina.

Rumenia er limur í bæði ES og Nato.

 

Á Tik Tok

Undan valinum var undirtøkan fyri Gerogescu niðri á fimm prosentum, men hann vann fyrra valumfar við 23 prosentum.

Sambært rumenskum fregnartænastuupplýsingum, var Georgescu undir valstríðnum nógv at síggja á TikTok gjøgnum málrættaðar brúkarar og við at rinda fyri lýsingar.

Men Georgescu hevur sjálvur sagt, at hann ikki hevur rindað eina krónu fyri valstríðið.

Er kopiera
Nýggjastu sendingar í ÚV
Fríggjadag 4. apríl
marta marta 9.partur
190266
Fríggjadag 4. apríl
Breddin: Suðuroyartunnilin
190254
Fríggjadag 4. apríl
Morgunlestur fríggjadagur 4.apríl 2025
189979
Hósdag 3. apríl
RagnarRokk 3.apríl 2025
189927
Nýggjastu sendingar í SV
Fríggjadag 4. apríl
Dagur og vika - teknmálstulkað
190243
Hósdag 3. apríl
Dagur og vika - teknmálstulkað
190208
Hósdag 3. apríl
Dagur og vika - teknmálstulkað
190180
Týsdag 1. apríl
Veðrið
190120
Týsdag 1. apríl
Heðin Brú 2:2 - teknmálstulkað
190126