Stjórin á Klaksvíkar sleipistøð: "Glaður fyri at eingin fólkaskaði hendi"

Frimodt Rasmussen, stjóri á Klaksvíkar sleipistøð, var eyðsæð skakkur um, at Polarstjørnan brádliga koppaði av vogninum, tá roynt var at hála skipið upp á sleipistøðina.

 Enn er óvist júst, hvat er hent. 

"Polarstjørnan koppaði, tá vit vóru í holt við at taka hana upp. Tá báturin er hálvur uppi úr sjónum, hendir okkurt undir vatnskorpuni, og vit ikki enn, hvat tað er," greiðir stjórin frá. 

Polarstjørnan koppað

At síggja til, so hevur Polarstjørnan ikki fingið nakran skaða.

"Skipið liggur umleið 45 stig suðureftir, og nú hava vit bara tryggjað Polarstjørnuna, so ikki meira hendir við skipinum,  meðan bíðað ferður eftir tryggingarfelagnum og reiðarínum."

Tað, ið var mest umráðandi fyri Frimodt Rasmussen, stjóra á Klaksvíkar sleipistøð, var, at einki av fólkunum, ið var umborð á Polarstjørnuni, tá óhappið hendi, fekk nakað mein. 

"Øll eru komin trygt í land, og vit hava bjóða øllum kreppuhjálp."

Kári Sólstein, journalistur, tosaði við Frimodt Rasmussen, stjóra á Klaksvíkar sleipistøð, beint eftir hendingina.

Polarstjørnan koppað