Korona gav størri sjálvræði

Føroyingar fingu størri sjálvræði eftir koronuhandfaringina.

Farsóttarøkið var í veruleikanum yvirtikið í mars 2020, tá korona kom, og yvirtøkan var formlig 1. januar í ár.

Serliga kanningarnar og tilmælini vóru serstakir tættir í føroysku koronukreppustýringini.

Hetta er høvuðsboðskapurin í kapitli, sum Jens Christian Svabo Justinussen og Rógvi Olavson á Søgu- og Samfelagsdeilini á Setrinum hava skrivað til stórar norðurlendska antologi, úrvalsrit.
 
Hóast Norðurlond á mangan hátt líkjast, so vóru tilgongdirnar til Covid19-stýring sera ymiskar. 

Jens Christian Svabo Justinussen og Rógvi Olavson vísa serliga á, at Føroyar skiltu seg frá øðrum londum við umfatandi kanningarleisti og smittusporingarætlan, sum fleiri onnur lond sleptu tíðliga í koronutíðarskeiðnum.

Í øðrum lagi skriva teir um, hvussu Føroyar meira enn flestu onnur lond valdu eina "mjúka lóggávu" (soft law), sum í høvuðsheitum var ein tilgongd, sum bara bygdi á tilmæli.

Og hon komst fyrst og fremst kom av ríkisrættarligu støðuni og sosiala dynamikkinum, sum mangan er í mikrosamfeløgum.