Skjótt verður søkt eftir triðja kommunulæknanum

Í næsta mánað verður søkt eftir kommunulækna til nýggju viðtaluna í Vágum.

Tað sigur Eyðdis Hartmann Niclasen,landsstýriskvinna, í svari til Jóhannis Joensen,løgtingsmann. 

Hetta er fyrsti grein 52a spurningur í hesi tingsetuni.

Síðani eru komnir átta aftrat.

Høli til læknaviðtaluna eru funnin í Vága kommunu.

Hetta verður triðja læknaviðtalan í Vágum.

Kvinna

Jóhannis Joensen spurdi eisini, um kvinna verður sett sum kommunulækni. 

Hann sigur, at nú eru tveir menn kommunulæknar í Vágum.

Fólk vilja eisini hava møguleikan at velja kvinnuligan kommunulækna, sigur hann.

Landsstýriskvinnan svarar, at tann umsøkjarin, sum er best skikkaður, fær starvið í Vágum. 

Munur kann ikki gerast á kyni í tí sambandi, sigur hon.

Men í heilsuøki 3, sum Vágar eru í, eru fleiri kommunur og tvær viðtalur, tann við Norðskála og tann í Kollafirði, hava kvinnuligan  kommunulækna.

Fólk á Vágum kunnu brúka tær, sigur landsstýriskvinnan.