Eingin ætlan at gera undirsjóvarbreytir

Ongar ítøkiligar ætlanir eru um at gera undirsjóvarbreytir, metro, til útoyggjarnar við verandi kostnaði og tøkni. Um tøkniliga menningin loyvir ti, eigur málið at verða tikið uppaftur.

Í staðin er ætlanin at gera sjóvegis sambandið betri við nýggjum ferjum og betri ferðaætlanum.

Tað sigur Dennis Holm, landsstýrismaður í samferðslumálum, í svari til skrivligan fyrispurning frá Elsebeth Mercedis Gunnleygsdóttur, løgtingskvinnu.

Vit hava ongar royndir ella siðvenju við undirsjóvarbreytum í Føroyum, og hava ikki av álvara arbeitt við málinum. Hvørki, tá undirsjóvartunlarnir vórðu gjørdir, ella nú Suðuroyartunnilin verður fyrireikaður, sigur Dennis Holm.

Elsebeth Mercedis Gunnleygsdóttur, løgtingsfíggjarlóg fyri 2024, 16:9

Elsebeth Mercedis Gunnleygsdóttur spurdi um undirsjóvarbreytir. (Mynd: Bjarni Árting Rubeksen)

Dennis Holm

Dennis Holm, landsstýrismaður í samferðslumálum.

Endurnýggja strandferðsluflotan

Landsstýrið hevur sett sær fyri at betra ferðasambandið til útoyggjarnar.

Strandferðsluflotin verður endurnýggjaður, og eftir ætlan verður farið undir at smíða nýggja Kalsoyarferju í ár.

Síðani er ætlanin at byggja ferju til Svínoyar- og Fugloyarleiðina.

Triðja ferjan verður helst Nólsoyarferjan.

Nýggju ferjurnar fara at lúka øll nýmótans krøv. Tað verður høgligari og betri at ferðast. Miðað verður eftir at sigla fleiri túrar, og fastbúgvandi eiga at verða raðfest fremst, sigur Dennis Holm í svarinum til Elsebeth Mercedis Gunnleygsdóttur.

Les meira her.