Atlantsflog fleiri ferðafólk

Hóast nógvu avlýsingarnar í mjørkanum í juli kostaðu Atlantic Airways 8,5 mió. kr., og felagið fleyg ikki til Egyptalands fyri Atlantis Rejser frá august til fyrst í oktober, tí ófriður var í Egyptalandi, gjørdist avlopið 14,4 mió. kr. fyri skatt í triðja ársfjórðingi, tað eru 1,8 milliónir minni enn í fjør.

Ferðafólkini vóru næstan 15.000 fleiri í ár.

Umsetningurin hjá Atlantic Airways vaks úr 170 mió. kr. í triðja ársfjórðingi í 2012 upp í 189 mió. kr. í ár.

Eginognin var 256 mió. kr. tann 30.september.

Atlantic Airways væntar, at úrslitið í ár verður heldur minni enn í fjør.