Flogbóltssamband Føroya sett italskan venjara

Flogbóltssamband Føroya sett italskan venjara
Talan er um 40 ára gamla Ciro Zoratti, sum hevur hægstu venjaraútbúgvingar frá italska flogbóltssambandinum, CEV og FIVB. Umframt hetta hevur Ciro nógvar altjóða royndir
Ciro Zoratti hevur fyrr verið venjari og ítróttastjóri í fleiri av bestu ungdómsfeløgunum í Italia
Mynd: Flogbóltssamband Føroya  
 
29.01.2025 - 12:50

Flogbóltssamband Føroya hevur sett 40 ára gamla Ciro Zoratti í starv sum venjara.

Italiumaðurin, sum skal standa fyri menningar- og landsliðsarbeiðnum í Føroyum, men fer eisini at hjálpa føroysku flogbóltsfeløgunum, skrivar Flogbóltssambandið.

Ciro Zoratti hevur hægstu venjaraútbúgvingar frá italska flogbóltssambandinum, CEV og FIVB. Umframt hetta hevur Ciro umfatandi royndir frá altjóða flogbólti á hægsta stigi og við menning av ungum leikarum.

 - Fyri Flogbóltssamband Føroya hevur tað verið umráðandi at flyta landsliðsarbeiðið fyri U-landsliðini og eisini fyri A-landsliðini upp á hægri stig. At seta ein fulltíðarvenjara við royndum sum Ciro, er eitt stig á leiðini, sigur formaðurin í FBF, Peter Holm.

Ciro Zoratti hevur fyrr verið venjari og ítróttastjóri í fleiri av bestu ungdómsfeløgunum í Italia, har hansara høvuðsuppgáva var at menna spælarar til italsku landsliðini. Í 2018 var Ciro Zoratti valdur til besta ungdómsvenjara í Italia. Hann hevur eisini verið høvuðsvenjari fyri kvinnulið í næstbestu italsku deildini og hjálparvenjari í bestu italsku og fronsku deildini fyri kvinnur.

Stuðul frá FIVB, altjóða flogbóltssamgonguni, ger, at tað ber til hjá FBF at seta ein venjara sum Ciro Zoratti í starv.

Er kopiera
Nýggjastu sendingar í ÚV
Hósdag 20. februar
Morgunlestur hósdagur 20.februar 2025
186673
Mikudag 19. februar
Skratsj 19. februar 2025
188017
Mikudag 19. februar
RagnarRokk. Chris Harms um 1980
188003
Mikudag 19. februar
Góðan morgun Føroyar
187986
Nýggjastu sendingar í SV
Mikudag 19. februar
Dagur og vika - teknmálstulkað
187990
Týsdag 18. februar
Veðrið
187962
Sunnudag 16. februar
VÍF - Kyndil, menn
187840
Sunnudag 16. februar
Guðstænasta úr Havnar kirkju
187829
Leygardag 15. februar
2. hálvfinala hjá monnum: H71 - KÍF
187825