Skúlakort til lærlingar verður kannað

Tað hevði kostað 1,8 mió. kr., um lærlingar skulu fáa skúlakort at ferðast fyri innanlands.

Tá er roknað við, at 300 lærlingar skula hava skúlakort.

Møguleikin at lata lærlingum skúlakort skal kannast.

Men treytin er, at pengar vera játtaðar.

Tað sigur Djóni Nolsøe Joensen, landsstýrismaður, í svari til Hervør Pálsdóttur, løgtingskvinnu. 

3.757 næmingar fingu skúlakort í fjør.

Studni hevur eina skipan við Strandferðarskipum landsins um skúlakort. 

Hvørt skúlakort kostar 6.000 kr. um árið í miðal, siga Strandfaraskip landsins. 

798 lærlingar búgva uttan fyri Tórshavnar kommunu og Klaksvíkar kommunu, har til ber at koyra ókeypis við býarbussunum. 

Taka vit eisini tey frá, sum búgva á staðnum, har tey eru í læru, eru 624 lærlingar eftir, sum hava brúk fyri skúlakorti at ferðast fyri, stendur í svarinum.