Listakvinnan: Glaspláturnar skulu aftur á tinghúsið

- Glaspláturnar skulu upp á tinghúsið aftur, tí tað er tað, tær eru gjørdar til. 

Tað sigur listarkvinnan Hansina Iversen, sum ikki er tikin upp á ráð,hvat skal gerast, nú avgerð verður tikin um at finna aðra loysn.

Hansina Iversen

Hansina Iversen. 

Tað var beint fyri ólavsøku í 2023, at petti av einari plátu duttu niður á gongubreytina við Tinghúsvegin. Og í fjør summar datt ein pláta á hinari síðuni á bygninginum av klædninginum. 

Allar glaspláturnar vórðu tiknar niður og settar í kjallaran hjá Havnar Arbeiðarafelag, meðan betongið varð kannað.

Løgtingið, glasplátur

Frítekst tagging: 

løgtingið

glasplátur

Bjarni Árting Rubeksen

Løgtingið og glasplátur

(Mynd: Bjarni Árting Rubeksen)

Úrslitið var, at betongið ikki orkaði at halda glasplátunum, og tí skuldi arbeiðast við eini aðrari loysn. 

Tosað hevur verið um at klæða bygningin við øðrum tilfari, men tað verður neyvan nakað, sum fer at líkjast glasinum.

Hoyr innslag í íutvarpstíðindunum: 

Jonhard Klettheyggj, løgtingsstjóri, sigur, at endaliga støða ikki er tikin, um hvat skal gerast. 

Løgtingið bíðar eftir, at Landsverk kemur við einum tilmæli, sum formansskapurin skal taka endaliga støðu til.