Talgilda koyrikortið kann skjótt brúkast í Danmark

Dennis Holm, landsstýrismaður, er sinnaður at arbeiða saman við donskum myndugleikum um at viðurkenna talgildu koyrikortini, so tey føroysku kunnu brúkast í Danmark og tey donsku í Føroyum.

Hetta ber til longu nú við fysiska koyrikortinum.  

Danski samferðslumálaráðharrin, Thomas Danielsen, spurdi í Føroyum, um ikki bar til at viðurkenna talgilda koyrikortið.

Dennis Holm svaraði, at tað vilja føroyingar gjarna.

Royndin at finna eina loysn at viðurkenna talgilda føroyska koyrikortið í Danmark er longu byrjað.

Dennis Holm sigur, at vónandi ber eisini til at fáa sínámillum viðurkenning um talgild koyrikort í øllum Norðurlondum.

Fiskivinnu- og Samferðslumálaráðið fer at kanna hetta.

Hesar upplýsingar eru í svari til Johan Dahl, løgtingsmann.