Fyrrverandi Nato-aðalskrivarin: Evropa noyðist at taka annað skinn um bak

- Evropa noyðist at taka annað skinn um bak í sambandi við friðarsamráðingarnar um Ukraina.

Tað sigur fyrrverandi danski forsætisráðharran og Nato-aðalskrivarin, Anders Fogh Ramussen.

Hann var við á trygdarráðstevnuni í Munchen í síðstu viku.

Anders Fogh Rasmussen sigur, at londini í Evropa noyðast at arbeiða soleiðis, at tað ikki slepst uttan um tey í sambandi við møguligar friðarsamráðingar.

- Á tann hátt verða londini sjálvskrivað at sita við samráðingarborðið, sigur hann.

Anders Fogh Rasmussen, sum var gestur í sendingini 21 Søndag í danska kringvarpinum í gjárkvøldið, sigur, at amerikanarar hava rætt, tá teir føra fram, at Evropa hevur "sovið í tímanum," sum hann tekur til.

- Avgjørt. Og tá ið eg líti aftur á tíðina, iðri eg meg um, at vit ikki varnaðust, at Russland var í ferð við at dubba seg, meðan vit lótu standa til.

Sí brot úr samrøðuni í 21 Søndag í gjárkvøldið:

Franski forsetin, Emmanuel Macron, hevur boðað fleiri evropeiskum leiðarum til snarfundar í París í dag um kríggið í Ukraina og trygdina í Evropa.

Millum teirra, sum hava fingið fundarboð, er danski forsætisráðharrin, Mette Frederiksen.