Innflutningurin minkaði hálvaaðru milliard í fjør

Innflutningurin í fjør var 13 prosent minni, enn hann var í 2023.

Innflutt var fyri 10,3 milliardir krónur í fjør.

Tað er hálvonnur milliard minni enn í 2023, skrivar Hagstovan.

Bíligari brennievni og færri akfør

Serliga lækkingin í oljuprísinum sæst aftur í tølunum.

Brennievni vóru innflutt fyri 226,5 mió.kr. minni í fjør enn í 2023.

Eisini eru færri akfør innflutt. Har er minkingin 112 milliónir, 18 prosent.

Nógv minni var innflutt úr ES og USA í fjør enn í 2023.

Innflyta mest úr Danmark

Men innflutningurin úr Evropa annars, tað er úr londum, sum ikki eru í ES, er vaksin. 

Vit innflyta mest úr Danmark. 

Nú er Noreg á øðrum plássi, tí oljan kemur haðani, og ikki sum fyrr úr Niðurlondum.