Norðuratlantiska húsið letur upp leygardagin

Føryingar, íslendingar og grønlendingar fáa nú sítt egna hús í Odense í Danmark.

Leygardagin verður nýggja Norðatlantiska Húsið í Odense tikið í nýtslu, og skipað verður fyri stórum hátíðarhaldi.

Arbeiðið at byggja húsið byrjaði í august í fjør, og leygardagin verður húsið tikið alment í nýtslu. Tað stendur á havnalagnum í Odense.

Bygt eftir ynski

Steen Møller, sum er formaður í mentunarnevndini í Odense kommunu, og eisini formaður í nevndini fyri húsið, sigur, at húsið er bygt eftir ynski frá teimum íslendingum, føroyingum og grønlendingum sum búgva á Fyn. Húsið gevur samstundis dønum høvi at síggja mentan sum bindur Føroyar, Ísland og Grønland saman.

Tá húsið letur upp leygardagin verður m.a. málningaframsýning við kendum listaverkum úr norðuratlantshavi, og eitt stórt manskór fer at syngja føroyskar, íslendskar pg grønlendskar sangir. Føroyskur dansur verður eisini á skránni.