Zelenskyy: Orðadráttur er í lagi

Tað er í lagi við hørðum orðadrátti í slíkum støðum. Tað eru boðini frá Volodymyr Zelenskyy, sum í løtuni er gestur í sjónvarpsstovuni hjá Trump vinarligu sjónvarpsstøðini, Fox News.

Hann vil ikki geva Donald Trump nakra umbering fyri tað, sum hendi á fundinum í dag. Men hann heldur ikki, at tað var til fyrimuns fyri nakran av pørtunum, at fundurin bleiv soleiðis framman fyri rullandi myndatólum.

-Við allari virðing fyri fólkaræðinum, so skal man onkuntíð tosa erliga, men uttan upptøkutól, segði Volodymyr Zelenskyy.

Volodymyr Zelenskyy leggur dent á, at Ukraina og USA framvegis eru vinir og sameindir. Hann takkar eisini fyri innbjóðingina at koma til USA.

Men Volodymyr Zelenskyy leggur eisini dent á, at hann kann ikki bara siga ja til onkra avtalu, uttan so, at hon tryggjar veruligan og varandi frið.