Nýtt poddvarp: Doktor Sophus

Nýtt poddvarp: Doktor Sophus
Í 1906 var ein hending í Klaksvík, sum skakaði alla bygdina. Læknin í bygdini doyði brádliga, og nógvar gitingar eru um, hvat tað var, sum hendi. Lurta eftir poddvarpsrøðini
Fleiri gitingar hava verið frammi um, hvat hendi, og hví Sophus forgjørdi sær.
 
17.03.2025 - 16:15

Mikukvøldið 31. oktobur 1906 andaðist Sophus Djurhuus, einasti læknin í Norðoyggjum, bert 36 ára gamal. Hann hevði drukkið okkurt eitrandi. Fleiri gitingar hava verið frammi um, hvat hendi, og hví Sophus forgjørdi sær.

Ein søga sigur, at tey sótu illa um sátt í hjúnalagnum, og tá ið doktor Sophus kom troyttur aftur av læknaferð, so var illstøða millum hjúnini. Tá skal hann siga við konuna: ”Nú taki eg tvey gløs, lati vín í annað og eitur í hitt. Skulu vit vera góð aftur, drekki eg vínið, men broytist einki, drekki eg eitrið”.

Hon skuldi svarað: “Tú gert akkurát, sum tú vilt.” So drakk hann eitrið.

Hin søgan er um eitt tríkantsdrama millum doktor Sophus, konuna Idu og eina aðra kvinnu, sum doktor Sophus skuldi fjasast við. Hetta gekk doktor Sophus so nær og endaði so illa, at hann tók seg av døgum.

Hvat var tað, sum hendi, og doyði doktor Sophus fyri egnari hond? Lurta eftir poddvarpsrøðini, har vit kava niður í hesa sera spennandi, hugtakandi og tragisku hending, sum fór fram í Klaksvík á heysti í 1906.

Andras Sólstein hevur kannað heimildir, skjøl og løgreglufrágreiðingar, og hann greiðir frá. Kári Sólstein hevur sett saman.

Lurta eftir nýggju poddvarpsrøðini á KVF Ljóð.

Er kopiera
Nýggjastu sendingar í ÚV
Fríggjadag 20. november
Beinleiðis úr Studio 5 - Nettup
216723
Fríggjadag 20. november
RagnarRokk:Chris Flynn um Dreams of the Disappeared
215804
Hósdag 19. november
RagnarRokk 19.november 2026
216177
Nýggjastu sendingar í SV
Fríggjadag 20. november
Dagur og vika - teknmálstulkað
216714
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565