Nýggi kanadiski forsætisráðharrin vitjar í Evropa

Nýggi forsætisráðharrin í Kanada, Mark Carney, fór í gjár til Evropa, og ætlan hansara er styrkja sambandið við Evropa.

Støðan millum Kanada og USA er vorðin alsamt spentari. 

Amerikanski forsetin, Donald Trump, hevur hækkað tollin á innfluttum vørum úr Kanada, og hevur fleiri ferðir róð framundir at innlima Kanada í USA.

Hetta er fyrsta uttanlandsferðin hjá Carney sum kanadiskur forsætisráðharri. 

Verða ongantíð partur av USA

Í røðu síni á hátíðarhaldinum fríggjadagin, tá ið hann var tilnevndur forsætisráðharri, endurtók hann, at Kanada ongantíð verður innlimað í USA:

- Vit fara ongantíð, ongnatíð á nakran hátt, at vera partur av USA. Amerika er ikki Kanada. Tú hevði ikki havt hatta hátíðarhaldið í Amerika. Amerika hevur ikki eina stjórn. Vit eru eitt heilt annað land, segði nýggi kanadiski forsætisráðharrin.

Mark Carney tók við eftir Justin Trudeau, sum í januar boðaði frá, at legði frá sær sum forsætisráðharri. Hann heldur fram sum forfólk í Liberala flokkinum, til nýtt forfólk er valt.