Í tøkum tíma at kommunur kunnu áseta bústaðarskyldu

Lógaruppskotið vil geva kommunum heimild til at áseta bústaðarskyldu, tá  talan er um nýggjar útstykkingar. 

Endamálið við lógaruppskotinum er stóri eftirspurningurin eftir bústøðum, hóast fleiri bústaðir og sethús standa tóm mesta partin av árinum um allar Føroyar.

Tað var í orðaskifti í tingsalinum í dag, at Kristianna Winther Poulsen segði, at tað er í tøkum tíma, at kommunur kunnu áseta bústaðarskyldu.

Jacob Vestergaard úr Fólkaflokkinum segði hinvegin, at tað skal kommunan als ikki blanda seg uppí.

Hanna á Reynatúgvu, borgari á Sandi, ein av fleiri bygdum í Føroyum, ið er merkt av, at summi hús standa tóm stóran part av árinum, tekur undir við at bústaðarskylda eigur at ásetast, tá talan er um nýggjar útstykkingar, men ikki tá talan er um eldri hús sum familjur nýta í frítíðini.