Mjølnir føroyameistari eftir minniliga finalu

Mjølnir vann í gjárkvøldið føroyameistaraheitið í flogbólti hjá monnum sjeynda árið á rað eftir 3-2 sigur á SÍ í triðju og avgerandi FM-finaluni, sum varð spæld á Giljanesi, skrivar Flogbóltssambandið.

Talan var um sera spennandi og minniliga finalu. SÍ vann tey bæði fyrstu settini, og so var trýst á klaksvíkingum, áðrenn Mjølnir fótaði sær og javnaði til 2-2.

Mjølnir tóktist hava avgjørt dystin, tá teir løgdu seg á odda 12-6 og 13-8 í javnbrótaranum, men við seks stigum á rað fór SÍ framum og fekk dystarbólt við støðuna 14-13 og aftur við 16-15. Mjølnir hóraði tó undan og vann ístaðin 19-17.