Mette Frederiksen á veg til Grønlands

Danski forsætisráðharrin, Mette Frederiksen, er á veg til Grønlands, har hon verður á almennari vitjan til fríggjadagin.

Hon skal hitta nýggja grønlendska landsstýrisformannin, Jens-Frederik Nielsen, og tey skulu millum annað tosa um, hvussu samstarvið millum Danmark og Grønland skal síggja út.

Summir grønlendskir politikarar hjá Siumut og Attasut hava víst sína ónøgd við, at Mette Frederiksen kemur til Grønlands, áðrenn nývalda grønlendska tingið formliga hevur góðkent landsstýrið.

Men Jens-Frederik Nielsen er fegin um vitjanina og gleðir seg til at tosa við Mette Frederiksen, eftir at bæði Grønland og Danmark hava merkt trýstið frá USA og Donald Trump, sum fleiri ferðir hevur víst sín áhuga í at yvirtaka Grønland.