Súna ikki við ímóti Litava

Súna Krossteig Hansen verður ikki við í føroyska hópinum, tá Litava vitjar við Tjarnir í týðandi HM playoff-dystinum í kvøld.

Bakspælarin hevur verið ivasom, tí hon hevur verið nógv darvað av skaðum og tískil ikki er í dystarvenjing, men tað er ikki orsøkin til fráveruna í kvøld.

Grundin til avboðið er, at hon er blivin sjúk, og er ikki før fyri at spæla. Lukka Arge, sum hevur vant við føroyska hópinum síðstu dagarnar, verður við í staðin.

Hon spælir mestum bara í verjuni á landsliðnum, og so er hon sera trygg við brotskøstum.

Tað er ivasamt, hvussu stóran leiklut Súna Krossteig Hansen hevði fingið í heimadystinum í kvøld, um hon var við. Talan var sum skilst um minuttir í verjuspælinum.

Søgan sigur einki um, hvørt hon skal við til útidystin sunnudagin. Tað er helst treytað av, um hon nær at gerast frísk og úrslitinum av dystinum í kvøld.