Meiriluti fyri verjuavtalu við USA um herdeildir í Danmark

Meirilutin er í fólkatinginum fyri avtaluni um at styrkja verjusamstarvið við USA.

Avtalan var gjørd í desember 2023 við undanfarnu amerikonsku stjórnina, og hon skal styrkja trygdina í Evropa og møguleikarnar hjá Nato at virka í donskum øki.

Avtalan fevnir tó ikki um Føroyar og Grønland, skrivar danska Tv2.

Longu tá var ivi sáddur um heimildirnar, sum Danmark fór at geva amerikanarum í avtaluni, sum ikki kann sigast upp í 10 ár. 

Mótæli uttan fyri fólkatingi, Danmark og hernaðarlig avtala við USA

(Mynd: Ritzau Scanpix)

Danmark vánaligur sameindi

Men seinastu mánaðirnar hevur nógv kjak verið um avtaluna, nú nýggja amerikanska stjórnin hevur skírt Danmark at vera ein vánaligur sameindur, og hon hevur boðað frá, at hon er til reiðar at gera tað, sum er neyðugt fyri at fáa Grønland.

Men ivi er sáddur um avtaluna. 

Fleiri flokkar vilja hava greitt svar frá donsku stjórnini um, hvørjar heimildir ætlan er at geva amerikonskum deildum á danskari jørð.

Avtalan við USA merkir, at amerikanskar deildir kunnu hava støð í Karup, Skrydstrup og Aalborg í styttri ella longri tíðarskeið.

Hvørki tyssibumbur ella kjarnorkubumbur

Tað er ikki greitt, hvussu nógvar hermenn USA kann seta á danska jørð.

Avtalan heimilar hvørki tyssibumbum ella kjarnorkubumbum á danskari jørð, skrivar Tv2.

1.viðgerð um avtaluna er í fólkatinginum í dag.

Danska stjórnin væntar, at avtalan kann koma í gildi eitt ár eftir, at hon er samtykt.