Vit fara til HM!

Skrivað hevur: Bárður Skorheim Guttesen

Hamskift litaviskt lið.
Litavska liðið var sum hamskift samanborið við fyrra dystin.
Dysturin endaði 30-29 til Litava eftir hálvleiksstøðuna 14-11, og serliga í fyrra hálvleiki hevði Litava yvirvág.
Litavska verjan stóð væl hægri á vøllinum, og tað órógvaði av álvara føroyska álopsspælið.

Súna Krossteig Hansen Litava.jpg

7 ímóti 6 riggar.
Ímóti endanum av fyrra hálvleiki skifti Føroyar til 7 ímóti 6 álopsspæl.
Tað riggaði avbera væl, og miðskeiðis í seinna hálvleiki komu Føroyar á odda.
Føroyar skiftu nógv út ímóti endanum, samstundis sum at nógvar útvísingar fullu til Føroyska liðið.
Í tveimum umførum vardu Føroyar við bert 4 leikarum, og tískil slapp Litava inn aftur í dystin og megnaði at vinna.
Í stóru myndini hevur tapið tó einki at siga, tí føroysku hondbóltskvinnurnar skulu til HM í vetur.

Litava - Føroyar .jpg

Hagtøl frá dystinum:
Lív og Anna Elisabeth eru toppskjúttar við 5 málum.
Maria og Jana skoraðu 4 mál.
Rannvá og Pernille skoraðu 3 mál.
Elsa skoraði 2 mál.
Lív og Karin skoraðu 1 mál.
Rakul bjargaði 37,17% av skotroyndunum og skoraði eitt mál.