Skotvápn var í bilinum

Maðurin, sum var tikin á Vestmannavegnum í gjár, var vápnaður.

Eitt skotvápn var í bili hansara, sigur politiið.

Annars fáast fáar upplýsingar um hendingina á Vestmannavegnum seinnapartin í gjár.

Politiið koyrdi eina løtu aftaná bilinum og steðgaði honum á Vestmannavegnum.

Av tí at maðurin hevði vápn, var vegurin stongdur av trygdarávum í fýra tímar.

Hann var stongdur klokkan eitt. Klokkan átta minuttir í fimm var hann latin upp aftur.

Eitt annað fólk

Eitt annað fólk var á bilinum. Tað kom út, tá bilurin var steðgaður.

Politiið vil ikki siga, um hetta fólkið er kvinna ella maður.

Tá politiið hevði tosað við bilføraran í næstan fýra tímar bar til at taka hann uttan rok.

Politiið sigur, at tað viðger ikki málið sum gíslatøku. 

Maðurin, sum var tikin, hevði brúk fyri hjálp og er nú í góðum hondum, sigur politiið.

Enn er eingin skuldseting í málinum.