Ein pumpa gekk fyri og tí rann brúnt vatn á sjógv

Tað var ein pumpa, sum gekk fyri seinnapartin, sum var orsøkin til, at sjógvurin uttanfyri risastóru smoltstøðina norðuri á Strond gjørdist brúnur.

Og tá ein nýggj pumpa, sum skuldi loysa trupulleikan, varð sett til, tá riggaði hon heldur ikki.

- Hetta eigur ikki at koma fyriog tí vera vit noydd til at tryggja okkum betur, sigur Rógvi Jacoben, leiðari á smoltstøðini.

Leiðarin á smoltstøðini sigur tó, at eingin biovøkstur ella nakað annað dálkandi er komið út, tí tað er reinsað.

Rógvi Jacobsen væntar at trupulleikin við pumpuni verður loystur í morgin.

Lurta eftir øllum innslagnum, sum var í tíðindinum klokkan 18.