Hægstirættur skal taka støðu til mál um at flyta drong á stovn í Danmark

Hægstirættur skal avgera, um úrskurðurin hjá Eystari landsrætti 18. mars um steðgandi virknað í einum føroyskum barnaverndarmáli er rættur.

Málið byrjar við, at Kærustovnurin segði, at ein 15 ára gamal drongur skuldi flytast á stovn í Danmark.

Hann var tá á stovni í Føroyum. 

Drongurin vildi ikki til Danmarkar.

Málið roynast í Hægstarætti

Avgerðin fór í Føroya rætt, sum segði, at meðan málið var í rættinum, skuldi drongurin ikki flytast til Danmarkar.   

Kærustovnurin kærdi til Landsrættin og fekk viðhald har. 

Talan er ikki um steðgandi virkað, segði Landsrætturin.

Nú hevur so Procesbevillingsnævnet givið loyvi til at royna málið í Hægstarætti.