Javnaðarflokkurin hevur ikki slept ætlanini um at stytta arbeiðsvikuna

Javnaðarflokkurin hevur ikki slept ætlanini um at stytta arbeiðsvikuna
Í yvirlýsingini, sum var gjørd á landsstevnu Javnaðarfloksins um vikuskiftið, er staðfest, at flokkurin enn ætlar at stytta arbeiðsvikuna
Aksel V. Johannesen, løgmaður, og Javnaðarflokkurin vissa um, at tey ikki hava slept ætlanini um at stytta arbeiðsvikuna
Mynd: Bárður Lydersen  
 
12.05.2025 - 08:38

Javnaðarflokkurin hevur ikki slept ætlanini um at stytta arbeiðsvikuna.

Hon er við í yvirlýsingini, sum var gjørd á landsstevnu floksins í gjár.

Har verður sagt, at nøkur mál, sum flokkurin fór á val uppá, eru eftir at fremja.

Og tey skulu fremjast fyri næsta val, verður sagt.


Mynd: Bárður Lydersen

 

Sytt arbeiðsvika fyrst fyri

Her stendur fremst at stytta arbeiðsvikuna, byggja hópin av bústøðum, og sleppa gerandisvørum undan meirvirðisgjaldi, sigur Javnaðarflokkurin.

Í yvirlýsingini verður heitt á floksleiðsluna um at styrkja sambandið við fakfelagsrørsluna enn meira. 

Pensjónsaldurin verður ikki nevndur beinleiðis. 

Men sum skilst heldur flokkurin fast við, at pensjónsaldurin skal hækka.


Mynd: Bárður Lydersen

 

Stórar broytingar neyðugar

Vælferðarsamfelagið skal røkjast, stendur í yvirlýsingini, so eisini komandi ættarlið fáa somu ella betri kor at liva í. 

Viðhvørt er neyðugt at gera stórar broytingar. 

Annars er vandi fyri, at súlurnar undir vælferðarsamfelagnum ikki halda.

Landsstevnan hjá Javnaðarflokkinum staðfestir, at ein sterkur og sosialt haldførur búskapur er avgerandi fyri vælferðarsamfelagið í framtíðini. 

Og broytta fólkasamansetingin og vantandi búskaparliga haldførið seta krøv um umskipanir, sum skulu fremjast við samhaldsføstum langtíðarætlanum.


Mynd: Bárður Lydersen
Er kopiera
Nýggjastu sendingar í ÚV
Leygardag 7. juni
Morgunlestur leygardagur 7.juni 2025
192653
Fríggjadag 6. juni
Vikuskiftið 6. juni 2025
192931
Fríggjadag 6. juni
Poppverturin
192912
Nýggjastu sendingar í SV
Leygardag 7. juni
Dagur og vika - teknmálstulkað
192956
Fríggjadag 6. juni
Veðrið
192932
Hósdag 5. juni
Fótbóltur: Georgia - Føroyar
192885
Mikudag 4. juni
KAKUMiKS (5:7) - teknmálstulkað
192833