Formaðurin í Lærarafelagnum: Próvtøl skulu fylla minni í fólkaskúlanum

Í poddvarpinum "Lærarastovan", sum kom út í farnu viku, segði formaðurin í Føroya Lærarafelag, Jacob Eli Olsen, at man eigur at avmarka nýtsluna av próvtølum í fólkaskúlanum.

Við Kringvarpið í dag vísir hann á, at próvtøl kunnu hava eina neiliga ávirkan á næmingar.

Sambært formanninum í Føroya Lærarafelag, so fer man ov tíðliga undir at geva næmingum próvtøl.

Jacob Eli S. Olsen heldur, at afturboðan í fólkaskúlanum eigur at verða givin á ein annan hátt enn við próvtølum.