Suðuroyartunnilin er farin aftur í nevnd

Uppskotið um Suðuroyartunnilin eru farin aftur í fíggjarnevndina.

Undir triðju viðgerð seinnapartin skeyt Sólvit Nolsø í Framsókn upp at beina málið aftur í nevnd, tí nógvar nýggjar upplýsingar eru komnar fram í málinum.

Tað var samtykt við 17 atkvøðum fyri og 15 ímóti.

Sostatt komu tey trý broytingaruppskotini, sum vóru løgd fram við triðju viðgerð, ikki til atkvøðugreiðslu. 

Aksel V. Johannesen, løgmaður, segði undir viðgerðini, at hóast málið verður beint aftur í nevnd, ætlar hann sær at arbeiða víðari við málinum um Suðuroyartunnilin.

Løgtingið er nú farið í summarfrí, og í løtuni er óvist, um tað verður kallað saman aftur fyri ólavsøku, tá henda tingsetan endar. 

Hoyr samrøðu, sum Sigurjón Einarsson gjørdi við løgmann í útvarpstíðindunum: