Teldusníkar funnið nýggjan máta

Ein álvarsligur trygdarveikleiki er funnin í internetkagum, millum annað Chrome, Edge, Brave og øðrum, sigur Fjarskiftiseftirlitið. 

Nýggi trygdarveikleikin ger, at teldusníkarnir hava ikki brúk fyri, at fólk skriva innritanarupplýsingarnar nakrastaðni. 

Tað kann vera nóg mikið bara at fara á eina heimasíðu, sum teldusníkarnir hava sett upp til at misbrúka veikleikan.

Hesin veikleikin verður longu misbrúktur til álop. 

Tí er týdningarmikið tú dagføra internetkagan skjótast gjørligt, sigur Fjarskiftiseftirlitið.

Á heimasíðuni fjarskiftiseftirlitid.fo sæst, hvussu tað verður gjørt.