Stívliga tríggir fjórðingar í fólkakirkjuni

Nú eru 41.584 fólk limir í føroysku fólkakirkjuni.

Tey eru 76,1 prosent av fólkatalinum, skrivar Hagstovan.

Í fjør vóru 41.705 limir í fólkakirkjuni, 76,6 prosent av fólkatalinum.

Í 2001 vóru 84,3 prosent av fólkatalinum í fólkakirkjuni. 

Ymiskt er í teimum 15 prestagjøldunum, hvussu nógv fólk eru í fólkakirkjuni.

Í Norðuroya vestara prestagjaldi er talið 59,60 prosent av fólkatalinum.

Har eru tveir prestar, fimm kirkjur og tíggju bygdir. 

Í Norðstreymoyar eystara prestagjaldi er talið 89,22 prosent.

Har er ein prestur, fimm kirkjur og átta bygdir.

Í sjey prestagjøldum er talið yvir 80 prosent av fólkatalinum.

Í Føroyum eru 61 kirkjur og 27 prestar, skrivar Hagstovan.