Stórt russiskt álop á Ukraina

Stórt russiskt álop á Ukraina
Russland hevur nátt framt eitt tað ógvusligasta loftálopið á Ukraina í langa tíð
Ukrainski høvuðsstaðurin Kiyev upplivdi í nátt eitt tað størsta álopið síðani kríggið byrjaði
Mynd: Gleb Garanich/Reuters/Ritzau Scanpix  
 
25.05.2025 - 09:38

Ukrainska loftverjan skrivar á Telegram, at tað talan var um eitt samansett álop við 367 ymiskum vápnum, harímillum ymisk sløg av missilum og 298 dronur.

Tað eydnaðist ukrainsku loftverjuni at skjóta niður 45 missil og 298 dronur.

Álopini vóru á fleiri býir ymsastaðni í Ukraina.

Í høvuðsstaðnum, Kyiv, vita tey fyribils um, at fýra eru dripin og 16 særd, harímillum trý børn. Harumframt verður sagt frá, at fýra fólk eru deyð í Khmelnytskyj økinum har vesturi í Ukraina. Í Zjytomyr økinum í útnyrðingsøkinum av Ukraina lótu trý børn í aldrinum 8, 12 og 17 ár lív í álopunum, siga ukrainskir myndugleikar.

Ukrainski forsetin, Volodimyr Zelenskyy, skrivar á X, at bjargingarfólk hava arbeitt í fleiri enn 30 býum og bygdum í sambandi við álopini, og hann sigur, at í Kyiv raktu álopini sovisalar á søgudeildini hjá universitetinum.

Russland hevur enn ikki viðmerkt álopini, sum henda samstundis, sum Ukraina og Russland eru vorðin samd um at býta fangar ímillum sín.

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470