Norskur serlækni: Sjúklingur kann ikki líta meira á vitlíki enn læknan

 - Ein sjúklingur kann ikki líta meira á vitlíki enn á læknan. Tað ber til at nýta vitlíki at fáa ymsar upplýsingar, men tú kanst ikki líta blint á tað. 

Tað sigur Helga Brøgger úr Noregi, sum er serlækni í radiologi og granskari í vitlíki. 

Fyrrapartin skipaði Etiska ráðið saman við Fróðskaparsetrinum fyri ráðstevnu í Kongsstovu um etikk og vitlíki.

Helga Brøgger var høvuðsrøðari á ráðstevnuni, og hon vísti á, at tað er ein avbjóðing í heilsuverkinum, tá ið sjúklingur gevur vitlíki nógvar upplýsingar um sína sjúku, og síðani kemur við svarinum frá vitlíki til læknan, og vil hava læknan at geva eina ávísa viðgerð.

Fyrimunir kunnu tó eisini vera í hesum, so at sjúklingurin skilir støðuna betur, sigur Helge Brøgger.

Hoyr innslag í útvarpstíðindunum: 

Maria Hammer Olsen

Maria Hammer Olsen, kliniskur útbúgvingarleiðari í sjúkrarøktarfrøði á Foðskaparsetrinum.