Sjúkrarøktarfrøðingar, ljósmøður og tannrøktarar størri rásarúm

Sjúkrarøktarfrøðingar, ljósmøður og tannrøktarar fáa størri rásarúm.

Ríkislógartilmæli er gjørt um at seta í gildi danska lóg um løggilding.

Uppskotið er til hoyringar nú.

Tannlækni, tannlæknar

Virkisøkið hjá tannrøktarum verður dagført og víkað. (Savnsmynd)

Gera ávísar læknauppgávur

Sjúkrarøktarfrøðingar skulu sambært uppskotinum sleppa at gera ávísar uppgávur, sum bara læknar kunna gera nú.

Til dømis taka blóðroynd, leggja katetur í, nýta og ávísa ávís koppingarevni og heilivág, og seyma sár, sum ikki eru í andlitinum.

Ávísir sersjúkrarøktarfrøðingar fáa virkisøki, sum fevnir um at ávísa heilivág, sum kann elva til bundinskap.

Ljósmøður og tannrøktarar fáa eisini dagført og víðkað virkisøki. 

Týdningarmesta tilfeingið

Orsøkin til uppskotið er, sigur Heilsumálaráðið, at heilsu- og røktarstarvsfólk eru týdningarmesta tilfeingið í heilsuverkinum. 

Tí er avgerandi, at rammurnar fyri at útinna arbeiðsuppgávurnar eru so smidligar sum til ber, soleiðis at førleikar og yrkisføri vera nýtt mest skynsamt, sigur Heilsumálaráðið.

Ætlanin er, at lógarbroytigin skal koma í gildi 1. desember í ár.

Les meira um uppskotini her.