13 avgerðir hjá Familjufyrisitingini kærdar

13 avgerðir hjá Familjufyrisitingini vóru kærdar í fjør.

Kærustovnurin staðfesti seks avgerðir hjá Familjufyrisitingini.

Tvær kærur fullu burtur. 

Hinar fimm kærurnar vóru ikki avgreiddar, tá árið var liðugt.

10 kærur vóru í 2023. Í 2017 til dømis vóru 20 kærur.

Barnagjald og samverur

Oftast vera avgerðir um barnagjald og samveru kærdar.

Búgva foreldur hjá barni ikki saman, hevur barnið rætt til samveru við tað foreldur, sum barnið ikki býr hjá.

Í 2024 fekk Familjufyrisitingin 216 skrivligar fyrispurningar og ikki færri enn 2.847 munnligar fyrispurningar, í miðal 237 um mánaðin.

612 vóru í avgreiðsluni, hinir í telefonini.

Á ólavsøku í 2018 yvirtóku Føroyar familjurættarliga málsøkið.

Og tá byrjaði Familjufyrisitingin, sum kom í staðin fyri Ríkisumboðið.