Tvey mál í rættinum um kynsligan ágang móti børnum

Føroya rættur fer í næstu vikur viðgera tvey mál um kynsligan ágang móti børnum.

Í øðrum málinum er ein maður ákærdur fyri tvær ferðir at hava kynsligt samband við eina 12 ára gamla gentu, sum hann kendi, í 2007.

Hann er ákærdur eftir grein 222 í revsilógini, sum er um samlegu við barn undir 15 ár.

Hin maðurin er ákærdur fyri 11 brot á revsilógargreinina um barnapornografiskt tilfar.

Hann er ákærdur fyri at hava og breiða út pornografiskar myndir av fólki, sum eru yngri enn 18 ár.

Maðurin er ikki ákærdur fyri at gera barnapornografiskt tilfar.

Einki barn á myndunum er eyðmerkt at vera føroyskt, sigur ákæruvaldið.  

Báðir menninir eru føddir í 1987. Og báðir nokta seg sekar.