Bústaðir selja nýggjar íbúðir í Havn sum lutaíbúðir

Nýggju íbúðirnar, sum Bústaðir hava bygt við Dalavegin í Havn, verða seldar sum lutaíbúðir, boða Bústaðir frá í dag.

Talan er um 44 bústaðareindir í ymiskum støddum..

Tær hava kostað tilsamans umleið 169 milliónir kr. at byggja.

Nú íbúðirnar verða seldar sum lutaíbúðir, verður kostnaðurin býttur í 44 partar, har atlit eru tikin at stødd, innrætting, staðseting, útsýni o.s.fr.

Prísirnir eru ávikavist 2,75 milliónir, 2,85 milliónir, 2,875 milliónir, 4,1 millión, 4,5 milliónir og 4,9 milliónir krónur.

Fólk, sum búgva hjá Bústøðum, ella eru uppskrivað hjá bústaðarfelagnum, fáa framíhjárætt at ogna sær ein lut.

Lutaíbúðirnar, sum ikki eru seldar um tríggjar vikur, verða settar alment til sølu, siga Bústaðir í tíðindaskrivi.