Ikki fleiri kanningar gjørdar

Sjóvinnustýrið ger ikki fleiri kanningar um hendingina leygarkvøldið, tá ein ferðamaður fór fyri borð á Norrønu og ikki kom afturíaftur.

Hans Jóhannus á Brúgv, stjóri, sigur, at Sjóvinnustýrið hevði fólk umborð, tá Norrøna kom á Havnina sunnukvøldið.

Niðurstøðan var, at alt tað tekniska umborð var í lagi.

Politiið var eisini umborð og avhoyrdi fólk.

Niðurstøðan hjá teimum er, at talan var um vanlukku.

Málið er lagt í dvala.

Tað verður bara tikið framaftur, um okkurt nýtt kemur undan kavi.