Føroyar fóru við øllum í liðkappingini í bogaskjóting

Føroyar hava í dag vunnið liðkappingina í bæði compound og recurve. Sigurin í compound var ein sannførandi 215-195 sigur á Jersey, meðan finalan í recurve bleiv avgjørd við einum sokallaðum “shoot-off”.

Í recurve verður spælt um tvey stig í hvørjum umfari. Fyrst til fimm stig vinnur. Føroyar vóru í finaluni móti Guernsey. Oyggjarnar skiftust um at vera á odda. Tað endaði við at tað stóð á jøvnum 4-4 og tí varð farið til “shoot-off”.

Tað endaði við, at Bárður Magnusson sendi seinasta pílin avstað, og tryggjaði Føroyum gullið. Tað var eitt mál at vinna gull í liðkappingini í recurve, men Føroyar vóru ikki greiðir favorittar undan kappingini.

recurve_2025.jpg

Frítekst tagging: 

Oyggjaleikir 2025

Bogaskjóting

Recurve

Hinvegin, so vóru Føroyar sannførandi í compound. Jóannes Poulsen, Anja Eydnudóttir og Nikkel Petersen vunnu við heili 20 stigum. 215 móti 95. Hetta var ikki óvæntað, men tað kravdi nakað av skjúttunum at raka talvuna, tí tað var síðuvindur.

Føroyar hava samanlagt vunnið níggju gull og fýra silvur í bogaskjóting á oyggjaleikunum.