Zelenskyj hevur hálsað um

Mótmælisgongur í ukrainska høvuðsstaðnum Kyiv og øðrum býum í landinum seinastu dagarnar tykjast at hava fingið Volodymyr Zelenskyj, forseta, at hálsa um, tí í dag hevur forsetin boðað frá, at hann hevur góðkent eitt nýtt lógaruppskot , sum hevur til endamáls at tryggja, at myndugleikarnir, ið berjast móti muti, framvegis skulu vera óheftir.

Tað skrivar Reuters.

Ukrainska tingið hevur annars samtykt eina umstrídda lóg á økinum, sum Zelenskyj eisini skrivaði undir. 

Mótmæl í Ukraina

Mynd: AFP/Ritzau Scanpix

Tað hevði við sær, at fólk fóru út á gøturnar at mótmæla, tí eftir teirra tykki hevði lógin við sær, myndugleikarnir verða minni óheftir.

Zelenskyj, forseti, lovaði, at hann fór at kunngera eitt nýtt lógaruppskot, og tað verður lagt fyri ukrainska tingið í dag.

Hvat stendur í uppskotinum, er ógreitt, men Zelenskyj sigur, at myndugleikar, sum berjast móti mutri í landinum, aftur verða óheftir.